(ភ្នំពេញ)៖ នាព្រឹកថ្ងៃទី២៣ ខែសីហា ឆ្នាំ២០២៣ នៅទីស្តីការក្រសួងមុខងារសាធារណៈ ឯកឧត្តម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានជួបសម្តែងការគួរសមជាមួយ ឯកឧត្តមទេសរដ្ឋមន្រ្តី ព្រុំ សុខា ដើម្បីសំណេះសំណាល និងជម្រាបលា ខណៈដែលឯកឧត្តមទេសរដ្ឋមន្ត្រី ត្រូវទទួលភារកិច្ចថ្មី។ 

ឯកឧត្តម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានជួបសម្តែងការគួរសមជាមួយ ឯកឧត្តមទេសរដ្ឋមន្រ្តី ព្រុំ សុខា ដើម្បីសំណេះសំណាល និងជម្រាបលា ខណៈដែលឯកឧត្តមទេសរដ្ឋមន្ត្រី ត្រូវទទួលភារកិច្ចថ្មី

គេតែងតែសួរខ្ញុំថាការងារស្មគ្រចិត្តត្រូវការអ្វី? "ការងារស្ម័គ្រចិត្តត្រូវការបេះដូង" ឯកឧត្តម ហ៊ុន ម៉ានី ថ្លែងក្នុងពិធីសំណេះសំណាលជាមួយគណៈកម្មាធិការឃុំ សង្កាត់ ស្រុក ក្រុង ក្នុងរចនាសម្ព័ន្ធ ស.ស.យ.ក. ខេត្តមណ្ឌលគិរី

"ការងារស្ម័គ្រចិត្តត្រូវការបេះដូង"

ប្រសាសន៍របស់ឯកឧត្តម ហ៊ុន ម៉ានី ក្នុងសន្និសីទសារព័ត៌មានស្តីពី "ការត្រៀមរៀបចំខួប១០ឆ្នាំនៃព្រឹត្តិការណ៍អង្គរសង្រ្កាន្ត" ក្រោមប្រធានបទ ៖ "ក្តីស្រមៃ និងក្តីសង្ឃឹម"

ស.ស.យ.ក. និងវប្បធម៌ប្រពៃណីជាតិ

«យើងជាអង្គការស្ថាប័នដែលមានវិជ្ជាជីវៈ របៀបរបបធ្វើការ  និងវិន័យ។មិនមែនបានន័យថាយុវជនអត់មានរបៀបរធ្វើការនោះទេ» សូមស្តាប់ប្រសាសន៍ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ថ្លែងក្នុង មហាសន្និបាតវិសាមញ្ញតំណាងទូទាំងប្រទេស សហភាពសហព័ន្ធយុវជនកម្ពុជា។

ស.ស.យ.ក. ជាស្ថាប័នដែលមានវិជ្ជាជីវៈ

ក្រោមព្រះរាជបូជនីយកិច្ចដ៏ថ្លៃថ្លានៃព្រះបាទ សម្តេចព្រះ នរោត្តម សីហនុ ព្រះបិតាឯករាជ្យជាតិ ទើបកម្ពុជាអាចមានថ្ងៃនេះ ជារដ្ឋឯករាជ្យ អធិបតេយ្យ ដែលមានសិទ្ធិស្វ័យសម្រេច និងធ្វើជាម្ចាស់ជោគវាសនាផ្ទាល់របស់ខ្លួន។ ព្រះរាជគម្រូវីរភាពដ៏អង់អាចក្លាហាននឹងស្ថិតនៅក្នុងការចងចាំរបស់ទូលព្រះបង្គំយើងខ្ញុំជានិច្ចនិរន្តន៍។

កម្ពុជាបានឆ្លងកាត់ប្រវត្តិសាស្រ្តជាច្រើនបែបច្រើនសណ្ឋាននាដំណាក់កាលចុងក្រោយរបស់ខ្លួន។ យ៉ាងណាម៉ិញ ទើបតែជាង ២ ទសវត្សរ៍ចុងក្រោយប៉ុណ្ណោះ ដែលកម្ពុជាបានអបអរសាទរឯករាជ្យជាតិរបស់ខ្លួនក្នុងភាពសំបូរសប្បាយ ក្នុងសន្តិភាព និងឯកភាពជាតិ ទឹកដី។ គុណបំណាច់ដ៏ប្រពៃមិនអាចកាត់ថ្លៃបាននេះ គឺជាការរួមចំណែកមិនអាចប្រកែកបាននៃ «នយោបាយ ឈ្នះ-ឈ្នះ» ដែលបានបញ្ចប់ជម្លោះផ្ទៃក្នុងដ៏រ៉ាំរ៉ៃ ជិត៤ទសវត្សរ៍ជាស្ថាពរ។

អបអរសាទរ ខួបអនុស្សាវរីយ៍ទី ៦៩ ថ្ងៃឯករាជ្យជាតិ

ក្នុងឱកាសដ៏នក្ខទ្ឬក្សថ្លៃថ្លានៃព្រះរាជពិធីបុណ្យអុំទូក បណ្តែតព្រះទីប សំពះព្រះខែ និងអកអំបុកនេះ ទូលព្រះបង្គំជាខ្ញុំ សូមថ្វាយព្រះរាជស័ព្ទសាធុការពរជ័យថ្វាយព្រះករុណាជាអម្ចាស់ជីវិតលើត្បូងព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រី ព្រះវររាជមាតី សម្តេចម៉ែ សម្តេចយាយ សម្តេចយាយទួត និងសូមគោរពជូនពរសម្តេច ទ្រង់ អ្នកឧកញា លោកឧកញា លោកជំទាវ អស់លោក លោកស្រី អ្នកនាងកញ្ញាជនរួមជាតិទាំងអស់ទទួលបាននូវសុខសិរីសួស្តីគ្រប់ប្រការ។

ថ្វីត្បិតតែយើងមិនអាចរៀបចំព្រះរាជពិធីបាន ដើម្បីត្រៀមរៀបចំកិច្ចប្រជុំកំពូលអាស៊ានដែលកម្ពុជាធ្វើជាប្រធានដឹកនាំ ក៏ប្រជាពលរដ្ឋនៅតែទទួលបានភាពសប្បាយរីករាយតាមរយៈការរៀបចំពិធីបុណ្យនេះ និងកម្មវិធីផ្សេងៗនៅតាមបណ្តាខេត្តជាច្រើន។ ក្នុងន័យនេះ សរបញ្ជាក់ឱ្យឃើញថា បងប្អូនទាំងអស់កំពុងតែអបអរសាទរនូវផ្លែផ្កានៃសុខសន្តិភាព និងការអភិវឌ្ឍដែលបានធ្វើឱ្យមានកំណើនជីវភាព គួបផ្សំជាមួយសមិទ្ធផលរីកស្គុះស្គាយនៃហេដ្ឋារចនាសម្ព័ន្ធរូបវន្តសព្វបែបយ៉ាង។

ជាមួយគ្នានេះដែរ ខ្ញុំសូមបងប្អូនដែលធ្វើដំណើរទេសចរណ៍ទូទាំងប្រទេសទាំងអស់ ចូលរួមថែរក្សារងនាម័យ បរិស្ថាន មានការយោគយល់អធ្យាស្រ័យខ្ពស់ និងជាពិសេសសូមប្រើប្រាស់ដងផ្លូវប្រកបដោយការប្រុងប្រយ័ត្នខ្ពស់ដើម្បីធានាបាន សុខសុវត្ថិភាពទាំងអស់គ្នា!

អបអរសាទរព្រះរាជពិធីបុណ្យអុំទូក បណ្តែតព្រះទីប សំពះព្រះខែ និងអកអំបុក

ក្នុងដំណើរនៃការប្រារព្ធកម្មវិធី ១០០ ព្រះវស្សានៃព្រះបិតាឯករាជ្យជាតិ ទូលព្រះបង្គំយើងខ្ញុំជាកូនចៅ ចៅទួត ចៅលួត សូមថ្វាយ រាត្រីសាទរស្នាព្រះហស្ថព្រះបិតាឯករាជ្យជាតិ ដើម្បីឧទ្ទិសដល់ព្រះបិតាសិល្បៈជាតិ។ យើងនៅចងចាំជានិច្ច កាលពីព្រះអង្គគង់ព្រះជន្មនៅ ទ្រង់សព្វព្រះរាជហឬទ័យក្នុងការតែងនិពន្ធនូវស្នាព្រះហស្ថជាច្រើនដែលរួមមាន ខ្សែភាពយន្ត បទភ្លេង ទំនុកច្រៀង ដែលទ្រង់យាងសម្តែង និងបញ្ចេញព្រះសូរសៀងផ្ទាល់ផងដែរ។ ស្នាព្រះហស្ថដែលជាព្រះរាជនិពន្ធទាំងអស់របស់ទ្រង់បានក្លាយជាអនុស្សាវរីយ៍ដ៏ល្អផូរផង់សម្រាប់កូនចៅ ចៅទួត ចៅលួត ធ្វើឱ្យទូលព្រះបង្គំយើងខ្ញុំមានសេចក្តីនឹករឮកជាពន់ពេក។

ស្នាព្រះហស្ថដ៏ថ្លៃថ្លា មហិមារបស់ព្រះបិតាឯករាជ្យជាតិ គឺព្រះរាជបូជនីយកិច្ចទាមទារឯករាជ្យជាតិ ដែលជាសិទ្ធិស្វ័យសម្រេច ធ្វើជាម្ចាស់ជោគវាសនាជាតិខ្លួនឯង។ ក្នុងស្មារតី នៃការចងចាំព្រះមហាករុណាទិគុណ និងព្រះគុណូបការៈដ៏មហាថ្លៃថ្លានេះ ទូលព្រះបង្គំយើងខ្ញុំទាំងអស់គ្នា សូមប្តេជ្ញាការពាររាល់សមិទ្ធផលទាំងឡាយដែលបានបន្សល់ទុកដោយបុព្វបុរសរាប់មិនអស់ មិនឱ្យកត្តាណាមួយមកបំផ្លិចបំផ្លាញ ទោះជាក្នុងតម្លៃណាក៏ដោយ។ ក្នុងន័យនេះ ទូលព្រះបង្គំយើងខ្ញុំនឹងដង្ហែរតាមព្រះរាជបណ្តាំនៃអង្គព្រះករុណាព្រះមហាវីរក្សត្រ ព្រះវររាជបិតាឯករាជ្យជាតិ ដែលបានឆ្លាក់ជាប់លើផ្ទាំងសិលាជានិច្ចនិរន្តន៍។

ការប្រារព្ធកម្មវិធី ១០០ ព្រះវស្សានៃព្រះបិតាឯករាជ្យជាតិ

រយៈពេល ១០ ឆ្នាំកន្លងមកនេះ ក្នុងនាមជាសមាជិកម្នាក់នៃមហាគ្រួសារសហភាពសហព័ន្ធយុវជនកម្ពុជា ខ្ញុំពិតជាមានមោទនភាពក្នុងការពាក់ឯកសណ្ឋានមួយនេះ។

ឈ្មោះ និងរូបសញ្ញារបស់ ស.ស.យ.ក. បានក្លាយជានិមិត្តរូបនៃការចូលរួមជាមួយសង្គមរបស់យុវជន ដែលទទួលបានការទទួលស្គាល់ ជឿទុកចិត្ត និងកោតសរសើរពីសំណាក់ប្រជាពលរដ្ឋគ្រប់ស្រទាប់វណ្ណៈ។

កត្តានេះបានទាក់ទាញចិត្តយុវជនទូទៅឱ្យចង់ចូលរួមជាមួយ ស.ស.យ.ក. ជាបន្តបន្ទាប់ ដែលបានធ្វើឱ្យសមាជិក សមាជិកាកាន់តែរីកធំធាត់ឥតឈប់ឈរ។

បេសកកម្ម និងសកម្មភាពរបស់ ស.ស.យ.ក. បានឆ្លុះបញ្ចាំងពីចក្ខុវិស័យរបស់យើងក្នុងការបន្តចូលរួមជាមួយរាជរដ្ឋាភិបាល លើកិច្ចការសង្គម និងក្នុងការបណ្តុះស្មារតីនេះក្នុងស្រទាប់យុវជនជំនាន់ក្រោយ។

មូលដ្ឋាននៃកិច្ចខិតខំប្រឹងប្រែង និងសមិទ្ធផលដែល សមាជិក សមាជិកាគ្រប់រូបបានរួមចំណែក និងលះបង់កន្លងមក នឹងក្លាយជាគ្រឹះដ៏រឹងមាំសម្រាប់ ស.ស.យ.ក. ក្នុងការបន្តដំណើរឆ្ពោះទៅអនាគតដើម្បីបុព្វហេតុជាតិ មាតុភូមិ។

ទូលបង្គំនឹងការពាររាជបល្ល័ង្ក ការពាររាជានិយម ការពារ សម្តេចម៉ែ ការពារ ព្រះមហាក្សត្រ សូមព្រះអង្គកុំព្រួយព្រះទ័យ ទូលបង្គំសច្ចាចំពោះមុខព្រះវិញ្ញាណក្ខន្ធព្រះអង្គ សូមព្រះអង្គកុំបារម្ភ

«អរគុណសន្ដិភាព» 

សន្តិភាព ដែលបានផ្តើមចេញពីដំណើរដ៏វែងឆ្ងាយប្រកបដោយចក្ខុវិស័យ និងទស្សនវិស័យត្រឹមត្រូវក្នុងការស្វែងរកការផ្សះផ្សា បង្រួបបង្រួមជាតិ និងការដោះស្រាយបញ្ហាដោយឈរលើការតម្កល់ប្រយោជន៍ជាតិជាធំ បានហុចផ្លែផ្កាមកជាការអភិវឌ្ឍ រីកចម្រើនជឿនលឿនលើគ្រប់វិស័យ។ កត្តាសុខសន្តិភាពនេះហើយ ដែលអនុញ្ញាតឱ្យយើងខ្ញុំជាយុវជនជំនាន់ក្រោយមានឱកាសជាច្រើន ជាពិសេសក្នុងការប្រតិបត្តិដើរតាមគន្លងរបស់ថ្នាក់ដឹកនាំក្នុងការការពារព្រះរាជបល្ល័ង្គ របបរាជានិយម និងព្រះមហាក្សត្រ។ ជាក់ស្តែង តាមរយៈផ្លែការនៃសន្តិភាព ដែលធ្វើឱ្យមានស្ថិរភាព និងការអភិវឌ្ឍ យើងមានឱកាស និងសមត្ថភាពពោរពេញដោយមនសិការ និងឆន្ទៈស្នេហាជាតិខ្ពស់ក្នុងការរៀបចំ ព្រះរាជកម្មវិធីរំលឹកព្រះគុណូបការៈនៃព្រះបិតាឯករាជ្យជាតិនៃយើង ដើម្បីបង្ហាញពីការបន្តស្មារតីស្វាមីភក្តិរបស់ទូលព្រះបង្គំយើងខ្ញុំចំពោះ ជាតិ សាសនា ព្រះមហាក្សត្រ។

យើងខ្ញុំសូមសម្តែងនូវការគោរពកោតសរសើរយ៉ាងជ្រាលជ្រៅដល់រាជរដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ចំពោះការដឹកនាំប្រទេសជាតិប្រកបដោយការលះបង់ កិច្ចខិតខំប្រឹងប្រែង និងទំនួលខុសត្រូវខ្ពស់បំផុត ដោយតម្កល់ប្រយោជន៍ជាតិ និងប្រជាជនជាធំ ជាពិសេសក្នុងការការពារបូរណភាពទឹកដី អធិបតេយ្យភាពការបញ្ចប់សង្រ្គាម ស្វែងរកសន្ដិភាពពេញលេញតាមរយៈនយោបាយឈ្នះ-ឈ្នះ ការផ្សះផ្សា បង្រួបបង្រួមជាតិ ការលើកស្ទួយលទ្ធិប្រជាធិបតេយ្យ សិទ្ធិសេរីភាព និងនីតិរដ្ឋ។ ក្នុងនោះយើងខ្ញុំចងចាំផងដែរនូវ ការបេ្ដជ្ញារបស់ សម្ដេចតេជោ ហ៊ុន សែន ក្នុងបុព្វហេតុព្រះរាជបល្ល័ង្កចំពោះមុខព្រះបរមសពរបស់ ព្រះករុណា ព្រះបរមរតនកោដ្ឋ ថា«ទូលបង្គំនឹងការពាររាជបល្ល័ង្ក ការពាររាជានិយម ការពារ សម្តេចម៉ែ ការពារ ព្រះមហាក្សត្រ សូមព្រះអង្គកុំព្រួយព្រះទ័យ ទូលបង្គំសច្ចាចំពោះមុខព្រះវិញ្ញាណក្ខន្ធព្រះអង្គ សូមព្រះអង្គកុំបារម្ភ... ។»

ព្រះរាជបណ្ដាំដ៏ថ្លៃថ្លារបស់ ព្រះករុណា ព្រះបរមរតនកោដ្ឋ ព្រមជាមួយបេសកកម្ម និងការប្តេជាចិត្តរបស់ សម្ដេចតេជោ ហ៊ុន សែន នាយករដ្ឋមន្រ្តី សម្រាប់ប្រទេសជាតិ បានផ្តល់ជាសារអប់រំដល់យុវជនជំនាន់ក្រោយឲ្យចេះរួបរួមគ្នាស្រឡាញ់ ថែរក្សា ការពារសន្ដិភាព និងការអភិវឌ្ឍដែលទទួលបានដោយលំបាកតាមរយៈពលិកម្មរបស់ថ្នាក់ដឹកនាំជាតិនាពេលបច្ចុប្បន្ន ការលះបង់របស់កងកម្លាំងប្រដាប់អាវុធគ្រប់ប្រភេទ មន្រ្តីរាជការ ព្រមជាមួយការចូលរួមរបស់ប្រជាពលរដ្ឋគ្រប់រូបនៅគ្រប់ដំណាក់កាល រហូតកម្ពុជាអាចសប្បាយរីករាយជាមួយនឹងសន្ដិភាពពេញលេញ អធិបតេយ្យភាព ឯកភាពជាតិ ឯកភាពទឹកដី សុខសុវត្ថិភាព ស្ថិរភាព និងវឌ្ឍនភាពលើគ្រប់វិស័យរហូតដល់ពេលនេះ។

សន្តិភាព ដែលបានផ្តើមចេញពីដំណើរដ៏វែងឆ្ងាយប្រកបដោយចក្ខុវិស័យ...

ថ្ងៃនេះជាខួបទី ១០០ ព្រះវស្សា នៃថ្ងៃប្រសូត្រ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ ទូលព្រះបង្គំយើងខ្ញុំជាកូនចៅ ចៅទួត បានមកជួបជុំគ្នានៅព្រះមណ្ឌបព្រះបរមរូបរៀបចំព្រះរាជពិធី «គោចរបិណ្ឌបាត្រ» ប្រគេនព្រះសង្ឃ ១០០ អង្គ ដើម្បីឧទ្ទិសមហារាជកុសលថ្វាយដួងព្រះវិញ្ញាណក្ខ័ន្ធព្រះអង្គ។ ថ្វីត្បិតព្រះវរកាយព្រះអង្គបានចាកឆ្ងាយពីកូនចៅ ចៅទួតក៏ពិតមែន ក៏ព្រះមហាករុណាទិគុណ និងស្នាព្រះហស្ថក្នុងព្រះរាជបូជនីយកិច្ចដើម្បីឯករាជ្យជាតិ និងកសាងជាតិនៅស្ថិតក្នុងការក្រឳបេះដូងទូលព្រះបង្គំយើងខ្ញុំជាដរាប។ ឆ្លៀតក្នុងឱកាសដ៏ប្រពៃថ្លៃថ្លានេះដែរ ទូលព្រះបង្គំសូមសម្តែងនូវសេចក្តីថ្លែងអំណរព្រះរាជគុណ ប្រកបដោយកត្តញ្ញូកតវេទីបំផុតថ្វាយព្រះករុណាជាអម្ចាស់ជីវិតលើត្បូង ព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រី ព្រះវររាជមាតាជាតិខ្មែរ ក្នុងសេរីភាព សុភមង្គល និងសេចក្តីថ្លៃថ្នូរ សម្តេចម៉ែ សម្តេចយាយ សម្តេចយាយទួត ដែលទ្រង់សព្វព្រះរាជហឬទ័យព្រះបរមរាជានុញ្ញាតឱ្យសហភាពសហព័ន្ធយុវជនកម្ពុជា និងមូលនិធិមុទិតា រៀបចំព្រះរាជពិធីដ៏ថ្លៃថ្លា ប្រកបដោយអត្ថន័យមួយនេះផងដែរ។

ព្រះវស្សា នៃថ្ងៃប្រសូត្រ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ

ក្រោមកិច្ចសហការ និងគាំទ្រពីសហភាពសហព័ន្ធយុវជនកម្ពុជា Union of Youth Federations of Cambodia កម្មវិធី «រត់ជាមួយសាយ ៤សែនជំហាន ភ្នំពេញ-សៀមរាប» បានសម្រេចគោលដៅ និងបញ្ចប់នាព្រឹកថ្ងៃទី៣០ ខែតុលា ឆ្នាំ២០២២ នៅលើទឹកដីដ៏ប្រសិទ្ធខេត្តសៀមរាប។ 

ខ្ញុំសូមអបអរសាទរដល់លោក សាយ ដែលបានបញ្ចប់បេសកម្មរត់ដើម្បីស្វែងរកថវិកាមនុស្សធម៌បរិច្ចាគជូនមន្ទីរពេទ្យកុមារអង្គរ ដោយចំណាយរយៈពេលចាប់ពីថ្ងៃទី២២ ដល់ថ្ងៃទី៣០ ខែតុលា ឆ្នាំ២០២២។ ក្នុងបេសកកម្មនេះ កម្មវិធី «រត់ជាមួយសាយ ៤សែនជំហាន ភ្នំពេញ-សៀមរាប»  បានទទួលថវិកាជាង ១៥០ លាន រៀល គិតត្រឹមថ្ងៃទី២៨ ខែតុលា ឆ្នាំ២០២២នេះ។ 

ឆ្លៀតក្នុងឱកាសនេះ ក្នុងនាមថ្នាក់ដឹកនាំ ស.ស.យ.ក. ខ្ញុំសូមថ្លែងអំណរគុណ ដល់សមាជិក សមាជិកា ស.ស.យ.ក. រាជធានី-ខេត្ត និងអាជ្ញាធរមូលដ្ឋានដែលបានសហការគាំទ្រដល់ក្រុមការងាររបស់លោក សាយ និងចូលរួមបរិច្ចាគធនធានផ្ទាល់ខ្លួនមិនថាតិចក្ដី ច្រើនក្ដី ដើម្បីគាំទ្រដល់ការងារមនុស្សធម៌ និងជួយដល់កុមារកម្ពុជាដែលកំពុងទទួលព្យាបាលឥតគិតថ្លៃនៅមន្ទីរពេទ្យកុមារអង្គរ។ ការចូលរួមទាំងអស់នេះ បានបង្ហាញពីការផ្ដល់ឱកាស និងជួយគាំទ្ររបស់ស.ស.យ.ក. ដល់យុវជនជំនាន់ក្រោយដែលមានឆន្ទៈក្នុងការចូលរួមលះបង់ត្រលប់ទៅកាន់សង្គមជាតិរបស់ខ្លួន។

ក្រោមកិច្ចសហការ និងគាំទ្រពីសហភាពសហព័ន្ធយុវជនកម្ពុជា កម្មវិធី «រត់ជាមួយសាយ ៤សែនជំហាន ភ្នំពេញ-សៀមរាប»

សម្តេចតេជោ ហ៊ុន សែន

សេចក្តីសម្រេចរបស់តុលាការទីក្រុងប៉ារីស ប្រទេសបារាំង ដែលសម្រេចថា «សម្តេចតេជោ ហ៊ុន សែន មិនមានជាប់ពាក់ព័ន្ធនឹងការស្លាប់របស់លោក ហុក ឡង់ឌី» ដែលចេញផ្សាយជាផ្លូវការនាព្រឹកនេះ គឺជាការផ្តល់នូវភាពស្អាតស្អំ និងភាពយុត្តិធម៌បំផុតចំពោះប្រមុខរាជរដ្ឋាភិបាលកម្ពុជា ដែលរងនូវការចោទប្រកាន់ពីជនអគតិ ដែលតែងតែរិះរកវិធីសាស្ត្រក្នុងការបំភ្លៃ និងបំផ្លាញកិត្តិយសថ្នាក់ដឹកនាំកម្ពុជា។ 

ទន្ទឹមនឹងការចូលរួមអបអរសាទរជាមួយនឹងសេចក្តីសម្រេចនេះ ខ្ញុំសូមកត់សម្គាល់ផងដែរថា ទង្វើប៉ុនប៉ងដោយចេតនាក្នុងការចោទប្រកាន់ដោយគ្មានភស្តុតាង និងបំភ្លៃការពិត ដែលនាំអោយប៉ះពាល់យ៉ាងខ្លាំងដល់កិត្តិយស ប្រមុខរាជរដ្ឋាភិបាលកម្ពុជា គឺតែងត្រូវបានបង្កឡើងជាបន្តបន្ទាប់ដោយមេដឹកនាំ និងសកម្មជនក្រុមប្រឆាំង។ តែយ៉ាងណាក្តី ទង្វើទាំងនោះតែងបរាជ័យ ដោយសារ «មាសសុទ្ធមិនខ្លាចភ្លើង»។ តាមរយៈសេចក្តីសម្រេចនាពេលនេះ ជាអាទិ៍ គឺជាសក្ខីភាពមួយដែលបញ្ជាក់ថាសម្តេចតេជោ ជាមាសសុទ្ធ ដែលមិនខ្លាចការប្រឈមជាមួយសកម្មភាពចោទប្រកាន់អគិតណាមួយឡើយ។

ការប៉ុនប៉ងទាំងនេះ ពិតណាស់មិនអាចកែប្រែតថភាពប្រវត្តិសាស្រ្តរបស់កម្ពុជានោះឡើយ ជាពិសេសចំពោះតួនាទី និងគំរូវីរភាពរបស់សម្តេចនាយករដ្ឋមន្រ្តី ដែលធ្លាប់ឆ្លងកាត់សង្រ្គាមចំនួន ១០៥ សមរភូមិ រំដោះប្រទេសជាតិបានយ៉ាងជោគជ័យពីរបបខ្មែរក្រហមដ៏ខ្មៅងងឹត និងជាវីរជនស្វែងរកសន្តិភាព និងការបង្រួបបង្រួមជាតិក្រោមនយោបាយឈ្នះ ឈ្នះ ឆ្នាំ១៩៩៨។ រឹងរិតតែមិនអាចបំភ្លៃបាននោះ គឺស្នាដៃសម្តេចនាយករដ្ឋមន្រ្តីក្នុងការការពារបូរណភាពទឹកដីចេញពីការឈ្លានពាលរបស់ប្រទេសជិតខាងកាលឆ្នាំ២០០៨ ដល់ឆ្នាំ២០១១ ការសម្រេចបាននូវកំណើនសេដ្ឋកិច្ចក្នុងរង្វង់ ៧% ក្នុងរយៈពេល ២០ឆ្នាំចុងក្រោយ និងជាពិសេស ស្នាដៃដ៏គួរជាទីមោទនៈក្នុងការប្រយុទ្ធប្រឆាំងនឹងការឆ្លងរីករាលដាលនៃជំងឺកូវីដ ១៩ នាពេលថ្មីៗនេះ ក្រោមការដាក់ចេញនូវយុទ្ធសាស្រ្តដ៏ត្រឹមត្រូវ រួមផ្សំនឹងគោលនយោបាយដ៏មានប្រសិទ្ធភាព ជាពិសេសគោលនយោបាយគាំពារសង្គម ដែលផ្តល់អត្ថប្រយោជន៍ជាពិសេសដល់ជនក្រីក្រ។ 

សម្រាប់បុគ្គលណា ដែលតាំងខ្លួនថាជាអ្នកនយោបាយ ឬអ្នកវិភាគនយោបាយ តែមិនខ្វាយខ្វល់តាមដានពីស្ថានភាពសេដ្ឋកិច្ចកម្ពុជាទាំងមូល ដែលកំពុងបន្តទទួលរងផលប៉ះពាល់ដោយជំងឺ CoVID19 បញ្ហាអតិផរណា ដែលកើតចេញពីសង្គ្រាម Ukraine-Russia និងផលអវិជ្ជមានជារួមចេញពីទណ្ឌកម្មសេដ្ឋកិច្ច (Economic sanctions) នានានោះ គឺទុកឲ្យទៅតាមហ្នឹងចុះ ។ ប៉ុន្តែសូមបងប្អូនប្រជាពលរដ្ឋខ្មែរបង្វែរមកមើលការខំប្រឹងប្រែងរបស់រាជរដ្ឋាភិបាលកម្ពុជា ក្រោមការដឹកនាំរបស់គណបក្សប្រជាជន និងមានសម្តេចតេជោជានាយករដ្ឋមន្រ្តី ដែលតែងតែនៅជាមួយប្រជាជន បន្តយកចិត្តទុកដាក់ ដោះស្រាយបញ្ហាដែលប៉ះពាល់ជីវភាពរបស់ប្រជាជន តាមរយៈការអនុវត្តផែនការយុទ្ធសាស្រ្ត និងគោលនយោបាយ ដែលមានលក្ខណៈសាកសមជាគណបក្សកាន់អំណាចក្នុងការតម្កល់ផលប្រយោជន៍ជាតិ និងប្រជាជនជាចម្បង និងជាប្រចាំ។

នេះជាភាពខុសគ្នារវាងអ្នកដឹកនាំប្រទេស និងអ្នកតាំងខ្លួន

ឯកឧត្តម ហ៊ុន ម៉ានី

ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានអញ្ជើញប្រកាសទទួលស្គាល់សមាសភាពក្រុមការងារស.ស.យ.ក. គ៧៨ ក្រោមអធិបតីភាព ឯកឧត្តម តុប សំ ប្រធានក្រុមប្រឹក្សាជាតិ ប្រឆាំងអំពើពុករលួយ  នៅសាលមហាស្រពចេនឡា នាថ្ងៃទី ២២ ខែកញ្ញាឆ្នាំ ២០២២ ។ កម្មវិធីនេះមានការចូលរួមពីសំណាក់ ឯកឧត្តម លោកជំទាវ សមាជិក សមាជិកា គណៈកម្មធិការកណ្តាល គណៈកម្មាធិការកណ្តាលស.ស.យ.ក. និងក្រុមការងារស.ស.យ.ក. គ៧៨ ប្រមាណ ៧៨៦ នាក់ ។ 

មានមតិសំណេះសំណាលទៅកាន់អង្គពិធី ឯកឧត្តមហ៊ុន ម៉ានី បានធ្វើការកោតសរសើរ និងវាយតម្លៃខ្ពស់ចំពោះការអនុវត្តការងារកន្លងមករបស់ក្រុមការងារ ស.ស.យ.ក. គ៧៨  និងបានចែករំលែកទស្សនៈល្អៗពាក់ព័ន្ធនឹងការងារ ស.ស.យ.ក. ដោយលើកទឹកចិត្តអោយសមាជិក សមាជិកា ក្រុមការងារទាំងអស់អោយបន្តចូលរួមបំពេញបេសកម្ម ស.ស.យ.ក. តាមលទ្ធភាពរៀងៗខ្លួនទៅតាមចំណេះដឹង និងជំនាញដែលខ្លួនមាន និងបន្តគោរព និងសិក្សាស្វែងយល់អោយបានច្បាស់ពីលក្ខន្តិកៈ បទបញ្ជាផ្ទៃក្នុងរបស់ ស.ស.យ.ក. ដើម្បីចូលរួមក្នុងបុព្វហេតុសង្គមជាតិ តាមរយៈការខិតខំធ្វើការងារប្រកបដោយស្មារតីទទួលខុសត្រូវខ្ពស់។ 

ដោយឡែកក្នុងអង្គពិធីក៏មាន ការអានសេចក្តីសម្រេចទទួលស្គាល់សមាសភាពសមាជិកសមាជិកា សហភាពសហព័ន្ធយុវជនកម្ពុជា គ៧៨ ដោយ ឯកឧត្តម នួន ផារ័ត្ន សមាជិកគណៈអចិន្រ្តៃយ៍ ការឡើងធ្វើការប្តេជ្ញាចិត្តដោយ ឯកឧត្តម យិនទៀង ពុទ្ធិរិទ្ធ ប្រធានក្រុមការងារ ស.ស.យ.ក. គ៧៨ និងរបាយការណ៍សកម្មភាពដោយ ឯកឧត្តម ជា សំអាត អនុប្រធានក្រុមការងារផងដែរ។

ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានអញ្ជើញប្រកាសទទួលស្គាល់សមាសភាពក្រុមការងារស.ស.យ.ក. គ៧៨ 

«អ្នកដែលធ្វើការជាមួយគ្នាប្រចាំថ្ងៃ ធំណាស់ត្រូវមានភាពស្មោះត្រង់ ហើយរឿងខ្លះត្រូវនិយាយផ្ទុយនឹងទស្សនៈរបស់ខ្ញុំ»

នាឱកាសនៃការសំណេះសំណាលជាមួយប្អូនៗនិស្សិតនៃសាកលវិទ្យាល័យជាស៊ីមកំចាយមារ ខ្ញុំបានទទួលសំនួរគួរឱ្យចាប់អារម្មណ៍ជាច្រើន ក្នុងនោះឆ្លើយតបទៅនឹងសំណួរ តើអ្នកជំនិតរបស់ខ្ញុំគួរមានបុគ្គលិកលក្ខណៈយ៉ាងណា ពីប្អូនប្រុសម្នាក់។ អ្វីដែលជាការឆ្លើយតបរបស់ខ្ញុំ គឺខ្ញុំបានរំលេចនូវទម្លាប់ជជែកវែកញែកដោយហេតុផល។ ប៉ុន្តែត្រឹមមនុស្សមួយក្រុមមិនគ្រប់គ្រាន់ទេ យើងត្រូវការធ្វើការទាំងអស់គ្នាដើម្បីសម្រេចកិច្ចការរួម ដែលនោះជាអ្វីដែលជាស្មារតី ២ធ្នូ។


ពិធីបើកព្រឹត្តិការណ៏អាស៊ានប៉ារ៉ាឡាំពិកហ្គេមលើកទី ១១  បានប្រព្រឹត្តិទៅជាផ្លូវការនៅល្ងាចថ្ងៃទី៣០ ខែកក្កដា ឆ្នាំ២០២២នេះ នៅពហុកីឡដ្ឋាន Stadion Manahan ស្ថិតក្នុងទីក្រុងសូឡូ ខេត្តស៊ូរ៉ាកាតា ប្រទេសឥណ្ឌូនេស៊ី ក្រោមវត្តមានលោកបណ្ឌិត (H.C) K.H. MA’RUF AMIN អនុប្រធានាធិបតី សាធារណរដ្ឋឥណ្ឌូណេស៊ី និងថ្នាក់ដឹកនាំកីឡាប៉ារ៉ាឡាំពិក មកពីបណ្តាប្រទេសអាស៊ានទាំង ១០ និងប្រទេសទីម័រខាងកើត។

ព្រឹត្តិការណ៍នេះ ទទួលបានការចូលរួមពីក្រុមកីឡាករ កីឡាការិនីជាជនមានពិការភាព ដែលនឹងធ្វើការប្រកួតលើ១៤ ប្រភេទកីឡា ដែលក្នុងនោះកម្ពុជា ក៏បានបញ្ជូនក្រុមកីឡាករចំនួន ១១៥ នាក់ ចូលរួមប្រកួតលើ១១ ប្រភេទកីឡាផងដែរ។ 

ពិតណាស់ កីឡាមិនត្រឹមតែនាំមកនូវសុខភាព ប៉ុន្តែកីឡាថែមទាំងបង្កើតបាននូវសាមគ្គីភាពសម្រាប់យើងគ្រប់គ្នា។ សម្រាប់ក្រុមជនដែលមានពិការភាព ការផ្តល់លទ្ធភាព និងគាំទ្រឲ្យបានចូលរួមប្រកួត ជាការលើកស្ទួយនូវសិទ្ធិ សេរីភាព សមភាព និងការទទួលស្គាល់នូវតម្លៃរបស់ពួកគាត់ជាប្រជាពលរដ្ឋពេញលេញ។ 

ក្នុងស្មារតីនេះ កម្ពុជាមិនត្រឹមតែបានបញ្ជូនក្រុមកីឡាករ កីឡាការិនីក្នុងទ្រង់ទ្រាយធំមកប្រកួតនាពេលនេះប៉ុណ្ណោះទេ ប៉ុន្តែកម្ពុជា នឹងទទួលធ្វើជាម្ចាស់ផ្ទះ អាស៊ានប៉ារ៉ាហ្គេមលើកទី១២ នៅឆ្នាំ២០២៣ ខាងមុខនេះ ក្នុងទឹកដីនៃព្រះរាជាណាចក្រកម្ពុជាទៀតផង។ នេះសរបញ្ជាក់យ៉ាងច្បាស់ពីគោលនយោបាយដ៏ត្រឹមត្រូវរបស់រដ្ឋាភិបាលយើង ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ដែលសម្តេច ក៏ជាជនពិការម្នាក់ដែរនោះ។ 

ពិតណាស់ ពួកគាត់មានពិការភាពតែអវយវៈ ប៉ុន្តែទឹកចិត្តរបស់ពួកគាត់មិនពិការឡើយ។ ពួកគាត់នៅពេលនេះជាតំណាងឲ្យកម្ពុជាយើង! ពួកគាត់នៅពេលនេះ ជាមុខមាត់ជាតិយើង! សូមចូលរួមគាំទ្រដល់កីឡាករ កិឡាការិនីយើងទាំងអស់គ្នា! 

ជយោ ព្រះរាជាណាចក្រកម្ពុជា!

ពិធីបើកព្រឹត្តិការណ៏អាស៊ានប៉ារ៉ាឡាំពិកហ្គេមលើកទី ១១

ឯកឧត្តម ហ៊ុន ម៉ានី អមដំណើរដោយឯកឧត្តម នួន ផារ័ត្ន និងក្រុមការងារបានចុះសួរសុខទុក្ខ និងថ្លែងអំណរគុណដល់ក្រុមការងារផលិត សិល្បៈករ សិល្បៈការិនី រឿង “កូនប្រុសក្រោមពន្លឺព្រះចន្ទពេញបូណ៌មី” ហើយក្នុងឱកាសនោះក៏បានពាំនាំថវិកាឧបត្ថម្ភរបស់បងប្អូនទាំង៥នាក់ជូនដល់ក្រុមការងារផលិតរឿងផងដែរ។

ឯកឧត្តម ហ៊ុន ម៉ានី អមដំណើរដោយឯកឧត្តម នួន ផារ័ត្ន និងក្រុមការងារបានចុះសួរសុខទុក្ខ និងថ្លែងអំណរគុណដល់ក្រុមការងារ

ព្រឹកនេះ ខ្ញុំ ក្រុមការងារ និងបងប្អូនកីឡាករ កីឡាការិនីទាំងអស់បានមកចាក់វ៉ាក់សាំងបង្ការជំងឺកូវីដ-១៩ ដូសជំរុញដើម្បីត្រៀមលក្ខណៈពីចម្ងាយក្នុងការទៅចូលរួមប្រកួតកីឡាអាស៊ានប៉ារ៉ាហ្គេម ដែលប្រព្រឹត្តទៅពីថ្ងៃទី៣០ ខែកក្កដាដល់ថ្ងៃទី០៦ ខែសីហា ឆ្នាំ២០២២ ។ ខ្ញុំសង្ឃឹមយ៉ាងមុតមាំថា គណៈប្រតិភូកីឡាទាំងអស់នឹងធ្វើបានល្អទាំងអស់គ្នា ដើម្បីមុខមាត់ប្រទេសជាតិយើង។

ឆ្លៀតក្នុងឱកាសនេះផងដែរ ខ្ញុំសូមថ្លែងអំណរគុណដល់ក្រុមគ្រូពេទ្យ សម្ព័ន្ធគ្រូពេទ្យស្ម័គ្រចិត្តសហភាពសហព័ន្ធយុវជនកម្ពុជាដែលបានស័្មគ្រចិត្តរៀបចំការចាក់វ៉ាក់សាំងបង្ការជម្ងឺកូវីដ-១៩ នៅព្រឹកនេះ។

សុខភាពកីឡាករ កីឡាការិនី និងគណៈប្រតិភូទាំងអស់ ពិតជាមានសារៈសំខាន់ជាពិសេស ដើម្បីធានាបាននូវជ័យជំនះជូនជាតិមាតុភូមិ។ 

កាលពីឆ្នាំ២០២០ នៅពេលដែលខ្ញុំមកបំពេញបេសកកម្មនៅខេត្តបាត់ដំបង កាលនោះខ្ញុំក៏បានសំណេះសំណាលជាមួយលោកនាយកវិទ្យាល័យពេជ្រចិន្តា ដែលជាជ័យលាភីលេខ១ ការប្រលងប្រជែងវិទ្យាល័យគំរូ ហើយក៏បាននឹកគិតថានឹងមកទស្សនកិច្ចនៅវិទ្យាល័យនោះម្តង បើមានឱកាស។ ថ្ងៃនេះ ខ្ញុំបានមកដល់វិទ្យាល័យនេះដោយផ្ទាល់ ដើម្បីពិនត្យស្ថានភាពជាក់ស្តែងរបស់សាលា ដែលស្ថិតនៅក្នុងភូមិសាស្រ្ត ឃុំពេជ្រចិន្តា ស្រុកភ្នំព្រឹក្ស ខេត្តបាត់ដំបង។ ខ្ញុំសូមកោតសរសើរ និងវាយតម្លៃខ្ពស់ចំពោះគណៈគ្រប់គ្រងសាលា លោកគ្រូអ្នកគ្រូ សិស្សានុសិស្ស ក៏ដូចជាអាជ្ញាធរមូលដ្ឋាន ឃុំ ស្រុក និងសហគមន៍ទាំងមូលដែលបានចូលរួមធ្វើឱ្យវិទ្យាល័យនេះមានសោភ័ណភាពល្អប្រពៃ ប្រកបដោយសណ្តាប់ធ្នាប់ វិន័យខ្ពស់ អនាម័យ បរិស្ថានស្អាត។ គ្រឹះស្ថានអប់រំ គឺជាមជ្ឈដ្ឋានសំខាន់មួយសម្រាប់ការបណ្តុះស្មារតី មនសិការរបស់យុវជន បន្ថែមពីលើការអប់រំចំណេះដឹងទូទៅ។ ពិតណាស់ ការផ្តល់គម្រូល្អក្នុងការរស់នៅប្រកបដោយសីលធម៌ ទំនួលខុសត្រូវ និងការគោរពគ្នាតាមរយៈការរៀបចំបរិវេណសាលារៀននេះគឺជាការចូលរួមដ៏មានសារៈសំខាន់ក្នុងការកសាងធនធានមនុស្សដែលមិនត្រឹមតែមានសមត្ថភាពប៉ុណ្ណោះទេ តែក៏ពោរពេញដោយធម៌ផងដែរ។

កាលពីឆ្នាំ២០២០ នៅពេលដែលខ្ញុំមកបំពេញបេសកកម្មនៅខេត្តបាត់ដំបង កាលនោះខ្ញុំក៏បានសំណេះសំណាលជាមួយលោកនាយកវិទ្យាល័យពេជ្រចិន្តា ដែលជាជ័យលាភីលេខ១

នាព្រឹកថ្ងៃទី២៣ ខែកក្កដា ឆ្នាំ២០២២នេះ ឯកឧត្តម ហ៊ុន ម៉ានី ប្រធានគណៈកម្មការទី៧នៃរដ្ឋសភា និងជាអ្នកតំណាងរាស្រ្តមណ្ឌលខេត្តកំពង់ស្ពឺ អមដំណើរដោយ ឯកឧត្តម សំ រិទ្ធី អនុប្រធានគណៈកម្មការទី៧ និងជាអ្នកតំណាងរាស្រ្តមណ្ឌលខេត្តកំពង់ស្ពឺ ឯកឧត្តមទេសរដ្ឋមន្រ្តី លី ធុជ អនុប្រធានទី១អាជ្ញាធរមីន និងឯកឧត្តម Eldeen Husaini Mohd Hashim ឯកអគ្គរាជទូតវិសាមញ្ញ និងពេញសមត្ថភាពម៉ាឡេស៊ីប្រចាំព្រះរាជាណាចក្រកម្ពុជា ថ្នាក់ដឹកនាំខេត្ត ស្រុក និងឃុំ និងសប្បុរសជន បានចូលរួមជាអធិបតីក្នុងពិធីប្រកាស ភូមិវាល ឃុំស្រង់ ស្រុកគងពិសី នៃខេត្តកំពង់ស្ពឺជា «ភូមិអស់មីន» ជាមួយប្រជាពលរដ្ឋមូលដ្ឋានប្រមាណជា ៣០០ នាក់។ ក្នុងពិធីដ៏មានអត្ថន័យនេះ បានបង្ហាញពីសមិទ្ធផលថ្មីមួយទៀត របស់រាជរដ្ឋាភិបាលកម្ពុជា តាមរយៈអាជ្ញាធរមីនក្នុងការដោះស្រាយបញ្ហាយុទ្ធភណ្ឌមិនទាន់ផ្ទុះ ដែលជាកាកសំណល់ពីសង្រ្គាមនៅកម្ពុជាអស់រយៈកាលជាង៤ទសវត្សរ៍។ ការសម្អាតមីន ក្នុងភូមិសាស្រ្តភូមិវាលនេះ អង្គភាពបានចំណាយរយៈពេល ១៤ ថ្ងៃ និងកម្លាំង ១២ នាក់ ដើម្បីដោះមីន និងគ្រាប់យុទ្ធភណ្ឌមិនទាន់ផ្ទុះឱ្យអស់ពីភូមិ ដែលត្រូវបានប្រកាសជា «ភូមិអស់មីន» នាឱកាសនេះ ដោយទទួលបានជំនួយពី អង្គភាពព័ត៌មាន Khmer Times។

មានប្រសាសន៍ទៅកាន់អង្គពិធី ហ៊ុន ម៉ានី បានធ្វើការថ្លែងអំណរគុណដល់សប្បុរសជនដែលបានរួមចំណែកគាំទ្រដល់ការងារបោសសម្អាតមីន និងជាពិសេសថ្លែងអំណរគុណជូនចំពោះកងកម្លាំងនៃមជ្ឈមណ្ឌលជាតិគ្រប់គ្រងកងកម្លាំងសន្តិភាព បោសសម្អាតមីន និងកាកសំណល់សង្រ្គាមដែលជាប្រតិបត្តិករផ្ទាល់ក្នុងការដោះមីន ធ្វើឱ្យភូមិវាល របស់យើងក្លាយជា «ភូមិវាល» រំដោះដីស្រែចម្ការជូនប្រជាពលរដ្ឋ។ លោកក៏បានរំលេចផងដែរនូវអត្ថន័យនៃ «អរគុណសន្តិភាព» ដែលជាការទទួលបាននូវសុខសន្តិភាព ស្ថិរភាព និងការអភិវឌ្ឍ តែក៏បានបង្កប់នូវអនុស្សាវរីយ៍ដ៏ជូរចត់ក្នុងអតីតកាលដែលកម្ពុជាធ្លាប់ឆ្លងកាត់ភ្លើងសង្រ្គាម និងឥទ្ធិពលនៃសង្រ្គាម គឺមីន និងយុទ្ធភណ្ឌមិនទាន់ផ្ទុះ ដែលបានឆ្លុះបញ្ជាំងកាន់តែជាក់ស្តែងនូវគុណតម្លៃនៃ «សន្តិភាព» ដែលយើងកំពុងមានសព្វថ្ងៃនេះ។ 

សូមបញ្ជាក់ថា ខេត្តកំពង់ស្ពឺស្ថិតក្នុងចំណោមខេត្តដែលមានចម្ការមីនច្រើន ដែលមានចម្ការមីនសរុប ៧២៤ ស្មើរនឹងផ្ទៃដី ៨០,៥ គីឡូម៉ែត្រក្រឡា គ្របដណ្តប់នៅទូទាំង ៧ ស្រុក ដែលក្នុងនោះផ្ទៃដីបោសសម្អាតរួចមាន ១៦៨ ចម្ការ ស្មើរនឹង ១៣,៦៥ គីឡូម៉ែត្រក្រឡា។

នាព្រឹកថ្ងៃទី២៣ ខែកក្កដា ឆ្នាំ២០២២នេះ ឯកឧត្តម ហ៊ុន ម៉ានី ប្រធានគណៈកម្មការទី៧នៃរដ្ឋសភា និងជាអ្នកតំណាងរាស្រ្តមណ្ឌលខេត្តកំពង់ស្ពឺ

លេខទូរស័ព្ទ:

023 210 489

Email:

hunmanycambodia@gmail.com

ទំនាក់ទំនង